sexta-feira, 30 de julho de 2010

A luz volveuse opaca



polo tanto decidín viaxar nocturnamente
aliñarme axexante tralos vencidos

vaites! é estraño, aínda son unha amante
................................................... inconsútil
De súpeto as xanelas visten enreixados
e evocan tempos malditos
Eu tento argallar un número indefinido de
......................................................metáforas
para que non me invada a invernía da incerteza
mais...
se existe un oco onde agochar os medos
Primeiro, déixame sentir a calor dos teus beizos

3º Premio no 1º Certame de poesía “Eduardo Chao”

Sem comentários: