domingo, 22 de novembro de 2009

Pequeno alado no chan


Só na beirarrúa, baixo a choiva
Pequeno alado no chan, vagaroso
entre orfas cabichas
Os ecos furan os lousados
Cavidades irregulares, regos na cidade fría
Pingueiras obtusas pétanlles nos peteiros
e transmiten augacentas linguaxes
no formigón xearento, gris

Agarda, alugado no recuncho pétreo
nas escaleiras que dan á vella estación...
Permanece alí e descobre que hai mananciais
que proxectan curtas de cloróticos alíferos
quedos, anónimos viandantes
Onde os ecos furan lousados
e transmiten húmidas linguaxes